Дэлхийн хамгийн том махчин ургамал Борнео арлын монтан хэмээх дохиурт ургамал эрдэмтдийн таамаглаж байсан шиг жижиг амьтдаар биш  тэдгээрийн ялгадсаар хооллодгийг судлаачид тогтоосон байна. Дунджаар vхэр хулганы дайтай монтан харахад сvрдмээр том ч "ам" буюу дохиур нь хулгана, оготно, зурам зэргийг идэхээр том биш аж. Тиймээс эдгээр амьтны ялгадсаар хооллодог болохыг нь Канадын Британийн Колумб мужийн Дээдсийн зам их сургуулийн эрдэмтэд тогтоосон байна. Судалгааны дvн "New Phytologist" сэтгvvлийн шинэ дугаарт хэвлэгджээ. Дээрх ургамал шоргоолж, аалз иддэг нь хэдэн жилийн өмнө тогтоогдсон юм. Дохиурт ургамал махан идэшт хамгийн том ургамлын овог бөгөөд Борнеогийн дохиурт ургамлууд хамгийн том нь юм. Монтаны дэд зvйл Nepenthes rajah дэлхий дээрх хамгийн том махчин ургамал бөгөөд дохиуртаа хоёр литр хvртэлх хэмжээний ус агуулах дайны багтаамжтай гэгддэг. Nepenthes rajah 150 орчим жилийн өмнө шинжлэх ухаанд бvртгэгдсэн бөгөөд жижиг хөхтөн амьтдыг шавьж, хорхой шиг иддэг гэх таамаг ташаа ажээ. Харин зөвхөн тэдгээрийн ялгадсаар хооллодог гэдгийг нь тогтоосон дээрх судалгаа махчин ургамал судлалын сvvлийн 20 орчим жилийн тvvхэн дэх хамгийн онцгой нээлт гэгдээд байна.